ВМРО-НП не оди на избори на 5 јуни

0
493

Од ВМРО-Народна партија велат дека ги анализирале сите настани поврзани со состојбите околу предвремените парламентарни избори закажани за 5 јуни, па сега соопштуваат дека нема да учестува на избори на овој датум.

„ВМРО-Народна партија беше подготвена да учествува на изборите согласно препораките на меѓународната заедница кои од нас беа безрезервно прифатени. Скандалозната одлука донесена од претседателот Ѓорѓи Иванов за аболиција на политичари од двете партии, со која се предизвика уште подлабока политичка криза и со тоа го закопа Пржинскиот договор, предизвика жестоки реакции и на внатрешно политички план и на меѓународната заедница. Оваа одлука ја избриша демократијата во Р.Македонија, нанесувајќи огромна штета на севкупните политички процеси во земјата, а со тоа ги уништи до темел односите со ЕУ и НАТО, предизвикувајќи голема разочараност кај нив.

ВМРО-Народна партија заради ова, одлучи да не учествува на предвремените парламентарни избори закажани за 5 јуни 2016 година.

ВМРО-Народна партија соопштува дека принципиелно нема да се приклони кон ниту една политичка партија, ниту пак има намера да потпишува декларации понудени од било која страна.

ВМРО-Народна партија останува самостоен, независен и суверен политички субјект со препознатлива програма и идеологија што ја разликува од сите останати политички партии во Р.Македонија“, стои во соопштението на ВМРО-Народна партија