Во центарот на Атина избувнаа судири

0
237

Припадници на грчката полиција синоќа во Атина се судрија со група анархисти, кои организираа насилни протести во знак на одбележување на 43-тагодишнина од почетокот на студентскиот бунт на атинскиот Политехнички универзитет.

Анархистите се собраа близу комплексот на Политехничкиот универзитет, каде во 1973 година започна бунтот на студентите против воената хунта во земјата.

До инцидентот дојде кога анархистите почнаа да фрлаат со камења, петарди и молотови коктели кон припадниците на полицијата. Полицајците на нападот одговорија со солзавец и шок бомби.

Според грчките медиуми, при судирите полицијата уапсила најмалку двајца демонстранти. Нема информации за повредени.

Напоредно со насилните протести, на другиот крај на Арина се собраа околу 17.000 лица, кои одржаа протестен марш од центарот на градот  до Амбасадата на САД.

Овој протест мина мирно, иако на почетокот имаше мали недорзабирања меѓу дел од демонстрантите и група од околу 1.000 поддржувачи на владејачката партија Сириза, кои се придружија на маршот.

Без коментари

LEAVE A REPLY