Започна фестивалот Битола отворен град 2015

0
174

Денеска во Битола започна меѓународниот арт фестивал “Битола отворен град 2015” во организација на Младинскиот културен центар Битола. Фестивалот до 27 јуни донесува повеќе културни настани меѓу кои и главниот музички хепенинг на големата сцена под отворен небо, на Широк сокак во сабота (27 јуни), кога премиерно во Битола настапува белградскиот бенд “Партибрејкерс”.

Фестивалот “Битола отворен град 2015″е дел од битолско културно лето “Битфест”.

bog2.jpg

Денеска во рамките на фестивалот се одржа Музичка интерактивна работилница пред Домот на АРМ во Битола. Работилницата, која беше отворена за сите љубители на добриот звук ја модерираа музичарите Зоки Конга и Александар Јонациќ. Утревечер во културниот центар Магаза со почеток во 21 часот ќе се одржи Меѓународна филмска ревија на која учестуваат млади филмски автори од Чиле, Шпанија, Молдавија, Кипар, Иран, Италија, Србија, Бугарија и Македонија. Филмската ревија ќе биде отворена со македонскиот филм “Пролог”.