Бектеши потрошил 17.000 евра во ресторани, а Сугаревски и Спасовски по 500 евра

0
591

Министерот за економија Крешник Бектеши потрошил најмногу пари за угостителски услуги во споредба со сите други министри по форирањето на актуелната влда во мај минатата 2017 година.

Според алатката на владата за трошоците на јавните функционери, Бектеши потрошил над 14 илјади евра за угостелски трошоци, при што 7.300 евра биле во надворешни угостителски објекти во земјава, 5.100 евра биле во мензи и бифеа во рамки на институтициите, додека 1.500 евра во ресторани во странство.

Следен на листата според трошоците за угостителски услуги е вицепремиерот за евроинтеграции Бујар Османи, кој за истата намена потрошил близу 13 илјади евра, а трет неговиот сопартиец кој поднесе оставка од министерската функција за правда, Биљен Салији, со потрошени 12 илјади евра.

За истата намена, министерот за култура Роберт Алаѓозовски потрошил нешто помалку од 9 илјади евра, министерот за земјоделство Љупчо Николовски потрошил над 7 илјади евра.

Своевиден куриозитет е што министерот за надворешни работи Никола Димитров, кој по природата на својата функција постојано патува и оддржува средби, потрошил помалку од сите нив во ресторани дома и надвор, или само 2.500 евра.

Најскромни биле министрите за транспорт и врски и внатрешни работи, Горан Сугаревски и Оливер Спасовски, кои потрошиле по околу 500 евра.

Вицепремиерот Бујар Османи потрошил најмногу пари за мобилен телефон во споредба со другите членови на владата, по нејзиното формирање до крајот на минатата година.

Според алатката за отчетност за функционерите, тој потрошил 134.414 за мобилен телефон, што е повеќе во споредба со хотелско сместување во странство, за што потрошил 109.368 денари.

По него следува неговиот сопартиец од ДУИ, министерот за економија Крешник Бектеши, кој за мобилен телефон потрошил 130.164 денари.

Инаку, тој е рекордер меѓу министрите според средствата потрошени во угостителски објекти, а предничи и во категоријата за авионски билети.

Понатаму, министерот за животна средина Садула Дураку за телефонски услуги потрошил 78.459 денари, додека министерот за информатичко општество и администрација Дамјан Манчевски 44.993 денари.

Другите членови на владиниот кабинет значително помалку разговарале на службениот мобилен телефон, така што министерот за култура Робер Алоѓозоски за оваа намена потрошил 3.769, а министерот за финансии Драган Тевдовски само 1.700 денари.

Премиерот Зоран Заев и министерот за внатрешни работи Оливер Спасовски, пак, воопшто не направиле трошок во оваа ставка.

fokus.mk