„Боинг“ ги приземји авионите од моделот „777“

Федералната администрација за воздушен сообраќај на САД (ФФА) издаде предупредување за авионите „Боинг 777“.

Објавата уследи откако откажа моторот на авион од овој тип на компанијата „Јунајтед“ над Денвер, Колорадо, а негови делови паѓаа врз куќи. Исто така, наредена е итна инспекција на ваквите авиони.

Шефот на ФФА, Стив Диксон, објавил дека директивата се однесува на авиони опремени со мотори „Прат Витни ПВ 4000“ и најави дека по инспекцијата, некои авиони ќе бидат повлечени од употреба.

Во ист ден се случи сличен инцидент и во Холандија, кога делови на авион „Боинг 747“, почнале да паѓаат на земјата кога избил пожар во еден од моторите.

Сподели