Со операта „Рита“, во изведба на Националната установа „Опера и балет“, започна 32. издание на Интернационалниот фестивал на класична музика „Интерфест“, во Народниот театар во Битола. Годинава, на фестивалот, настапија врвни уметници од 8 држави и тоа од Јапонија, Шпанија, Русија, Португалија, Италија, Австрија, Украина и Македонија.
Изминатите денови во Офицерскиот дом беа во знакот на Интерфест.Последниот ден е резервиран за свеченото затворање на фестивалот со настап на Гернот Винишховер – виолина, Австрија и Денис Јаворскиј – пијано, Украина. Тие ќе изведат дела од Землински, Сен-Санс, Крајслер, Сарасате, Чајковски.
Гернот Винишхофер, (виолина): е роден во Виена, каде што го стекнал своето музичко и техничко образование и ја добил својата диплома со почести на „Wiener Musikhochschule“ кај Херта Биндер и во Салцбург Моцартеум кај Шандор Вег.Стипендијата го однесе 3 години на Конзерваториумот Чајковски во Москва.Таму бил ученик на Валери Климов и учел по традицијата на Давид Оистрах. Мастеркласи посетува кај Александар Аренков, Гидеон Кремер, Макс Ростал, Волфганг Шнајдерхан.
Добитник е на повеќе награди и признанија на државни и меѓународни натпревари.Оттогаш Гернот Винишхофер гостува на многу фестивали: Будимпешта, Есторил, Прага, Виена и многу други.Г.В. беше солист-партнер на Игор Оистрах, Јозеф Сук, Тања Гринденко, Пол Бадура Шкода, Јерг Демус, Павел Гилилов, настапувал со оркестри како Моцартеум оркестар Салцбург во големата фестивалска сала, Атина државен оркестар во Мегарон, Енеску П.Х. Букарешт во Атенеум, Еремитаж симфониски оркестар во Санкт Петербург и Меран фестивал, Линц-Брукнерхаус, Нирнберг ПХ, Словачка-филхармонија, Московскиот оркестар, Литовски, Прага, Виенскиот камерен оркестар и многу други.
После самостојниот концерт кој Денис Јаворскиј го приреди во рамките на Интерфест, денес настапува заедно со Винишховер .
Јаворскиј е еден од водечките пијанисти во Украина и водечки пијанист на фестивалот посветен на Шопен во Полска.
Победник е на бројни државни и меѓународни натпревари.Учествувал и како придружник на различни натпревари за виолина и пеење, вклучувајќи го и меѓународниот натпревар Б. Дворионас (Вилнус), Меѓународниот натпревар на Н. Лисенко (Киев), B. Меѓународен натпревар по пеење Hmyria (Киев) и O. Krysa Меѓународен натпревар за виолина (Лвов). Неговиот репертоар вклучува дела од Бах, Моцарт, Бетовен, Шуберт, Шуман, Лист, Шопен и Прокофјев, меѓу другите.Посебно значајни се неговите интерпретации на Шопеновите етиди оп.10, Трансценденталните етиди на Лист, концертите за пијано на Франц Лист, симфониските етиди од Шуман, сонати за виолончело на Бетовен, сонатите на Моцарт „Манхајм“, сонатите за виолина.Денис Јаворски настапувал во големите концертни сали во Украина, Полска, Чешка, Германија, Франција, Ирска и Кина, меѓу другите.
