Од 19.30 на Големата сцена од Центарот за култура гостува Мана Чума Театарот од Калабрија регионот од Италија со претставата „Како мало зрно песок“.
Автор на истата се Салваторе Арена и Масимо Барила, режија и актер Салваторе Арена. На 18 годишна возраст, Џузепе Гулота, млад градежен работник е уапсен и присилен да признае убиство на двајца полицајци во мала касарна во провинцијата Трапани, во Сицилија.
Злосторството крие некажана мистерија: тајни служби и државници кои се занимаваат со неофашистички групи, трговија со оружје и дрога. Со цел да се прикрие молчењето, секој може да е жртвено јагне. Гулота живееше 22 години заклучен во затвор за злосторство кое не го извршил и 36 години законски пекол.
Од 21:30 на Новата сцена од Центарот за култура ќе биде изведена монодрамата „Крвава свадба“ на театарот Абрего Кантабрија, Шпанија.Претставата е по мотиви од Ф.Г. Лорка, адаптација Пати Доменек, режија Хорхе Лопез и Пати Доменек, актер Мариа Видал.
Ко-продукцијата на Abrego Productions (Шпанија) и Desdelsur Theatre (Аргентина), започнува како резултат на висцералната конфронтација помеѓу строгите вредности наметнати од страна на законите и бескорисната крвава борба на некој кој продолжува да се бори со цел да задржи мал дел од индивидуалната слобода, и покрај тоа што е дел од тоа општество.
Првиот одраз е делегитимирање на политичкото и родовото насилство или неговата употреба како поетска дозвола. Ова дело започнува како истражувачки процес на “Универзумот на Лорка” до иновативно сценско дело. Како и сите претстави на Пати Доменеч- кои се напишани повеќе за изведба отколку за читање- постојано се стреми кон независност на изведувачките уметности во однос на драмската литература, со цел да се врати интегративната функција на сцената назад кон изворниот театар.
