Кандидатот за претседател на СДСМ, Јован Деспотовски денеска ќе ја презентира својата програма пред членовите на СДСМ во Битола. Средбата е закажана за 19.30 часот во ОО на СДСМ Битола, стои во информацијата на Деспотовски до медиумите.
„Нов почеток, нов СДСМ е програмата со која ја барам поддршката за претседател на СДСМ. Во фокусот се луѓето, а ова е програма која кој обединува, а не фаворизира, и во која ќе има место за сите предлози и идеи на луѓето кои искрено ќе се вложат во партијата повторно да го врати интегритетот и местото што го заслужува.
Програмата нуди конкретни мерки и поинаков пристап во креирањето и во спроведувањето на политиките, унапредување на демократските процеси во партијата, професионализација на партиските тела со цел поголема ефикасност и воведување на култура на прифаќање и почитување на различни ставови и мислења“ вели Деспотовски.
