Економијата подготвена за можните турбуленции

Google+ Pinterest LinkedIn Tumblr +

Турбуленциите на светските берзи, очекувањата дека економското заздравување ќе доведе до корекции во монетарната политика и до ставање крај на вбризгувањето пари, најавеното зголемување на каматната стапка од Американските федерални резерви се главните причини за последните случувања на финансиските пазари. Претпазливост и во Македонија. Гувернерот вели дека земјава е подготвена за можната нестабилност.

„Македонската економија треба да биде внимателна, треба да биде добро подготвена. Во изминатиов период презедовме низа мерки со коишто го зајакнавме банкарскиот сектор, во последниве години се намалува буџетскиот дефицит, верувам дека во наредниот период ќе дојде и до стабилизирање на јавниот долг. Еврообврзницата во јануари беше издадена во многу поволен момент, со тоа се избегна период на нестабилност што може да следува во текот на годинава и со тоа се обезбедија финансиите. Ова дава уверување дека македонската економија е подготвена за можните турбуленции на светскиот финансиски пазар“- изјави гувернерот на НБРМ, Димитар Богов.

Share.