Забрана за тешки товарни возила на Ѓавато и Буково

0
486

Забрана за тешки товарни возила од 19:15 се воведува на превојот Ѓавато, а од 18:40 часот се воведува на планинскиот премин Буково.Забрани за тешки товарни возила се уште има на патните правци крак Маврово – Дебар, Гостивар – Кичево преку планинскиот премин Стража и на Крива Паланка – г. п. Деве Баир.

Сообраќајот на државните патишта се одвива по влажни коловози и со остатоци од кашест снег.

Законската обврска за задолжително поседување на зимската опрема во возилата, без оглед на временската состојба, трае до 15-ти март 2018 година.

Интензитетот на сообраќајот на патните правци надвор од градските средини е умерен. На граничните премини нема подолги задржувања за влез и за излез од државата. Оваа информација се однесува само за македонската страна на премините.

АМСМ препорачува внимателно возење, прилагодена брзина на движење и почитување на поставената сообраќајна сигнализација. Во клисурите и засеците можна е појава на одрони, особено на патните правци: Кочани – Македонска Каменица – Делчево, Виница – Берово, Гостивар – Стража, Маврово – Дебар – Струга, Демир Капија – Удово, Катланово – Велес, Крушево – Демир Хисар и Ресен – Буково.

фото: архива