Наградуваната збирка поезија „Лирски елегии” на авторот Александар Трајковски, покрај својата македонска верзија конечно ја доби својата англиска „Lyric Elegies“ со превод и англиска лектура на Зорица Врчковска. Истата беше објавена на повеќе платформи за книги на англиски јазик.
„Лирски eлегии” е достапна во печатена и електронска форма преку сајтовите на aBarnes & Noble, ланец од книжарници ширум САД, Apple Books, Smashwords и други платформи за литература во печатен и дигитален облик. Збирката може да се добие во печатен облик во книжарниците на овие платформи или во дигитален формат преку онлајн нарачка, како и преку Амазон.
Македонското издание на книгата со лектура на Христијан Аџиоски беше објавено во 2021-та од издавачката куќа „Дата песнопој“.
Александар е дипломиран доктор, македонски поет, преведувач и толкувач, од 29 јуни 2021 година, официјално станува редовен член и дел од МАКЕДОНСКОТО НАУЧНО ДРУШТВО – БИТОЛА (МНД-Битола).
Автор е на повеќе објавени и необјавени книги (поезија за возрасни и деца). Двете книги со поезија за возрасни, со наслови “Лирски елегии” и “Поеми од Балканот” му се објавени од издавачката куќа “Дата Песнопој”, меѓудругото преведени на над 10 светски јазици.
Збирката поезија за најмладите читатели со наслов “КРАТКИ ПОЕМИ ЗА НАЈМЛАДИТЕ БОЕМИ” е објавена од првиот независен издавач во Македонија (1987) “ЃУРЃА”, со нејзин основач Никола Костески, а директор и главен уредник Ѓурѓица Костеска-Андонова. Авторот за своите книги очекува објективна критика и да остават силен печат во профилирањето на новите и релевантни теориско-методолошки концепции на книжевноста, во сите нејзини носечки видови: поетскиот пред се’, но и во раскажувачкиот, драмскиот и есеистичкиот.
Преведувал на романски јазик литературни дела од истакнати современи македонски писатели и преведувал за реномирани книжевни организации, како што се Струшките вечери на поезијата.
