Каракачанов: Илинденска Македонија е едно од можните имиња

0
673

Министерот за одбрана на Бугарија, Красимир Каракачанов, ги потврди шпекулациите за Република Илинденска Македонија како едно од можните решенија на спорот за името. Официјална потврда од Владата во Македонија се уште нема, но бугарскиот министер потврди дека за оваа опција разговарале премиерите, Зоран Заев и Алексис Ципрас.

-Ние немаме претензии кон името Република Македонија, но сме против тоа да се преиначува историјата и да се гонат луѓе со бугарска самосвест во Македонија. Илинденска Македонија е едно од можните имиња за Македонија, за што вчера разговараа лидерите на Македонија и Грција. Слушнав за Илинденска Македонија, исто така слушнав за Вардарска, Северна. Илинденското востание е бугарско востание, дел од нашата заедничка историја – рече Каракачанов во емисијата „Ова утро“ на БTV.

Според него двете земји се на чекор до решение.

fokus.mk