„Кајмак“ претставува црна комедија и критика на малограѓанскиот морал и на либералните тенденции во општеството. Љубовна приказна за возрасни, како што имаше изјавено Манчевски во една прилика.
Беше најгледан филм во Македонија во 2022 година, а светската премиера ја имаше на Меѓународниот филмски фестивал во Токио.
Главните улоги ги толкуваат: Сара Климоска, Александар Микиќ, Камка Тоциновски, Симона Спировска, Ана Стојановска, Филип Трајковиќ и Петар Мирчевски. Продуцент е Јане Ќортошев, директор на фотографија Улрик Боел Бенцен, дизајнер Дејвид Манс, монтажер Емил Нунинга, музиката е на „Дејниш стринг квартет“ и Игор Василев-Новоградска, кастингот е на Милка Анчевска, а маската на Марио Микисанти.
Повеќекратно наградуваниот филм во изминатата година прикажан е и продаден во следниве земји: Јапонија (Tokyo Film Festival), Тајван (Golden Horse Film Festival), Португалија (Fantasporto International Film Festival, добитник на Специјална награда на жирито), Србија (ФЕСТ, Sombor Film Festival и редовна дистрибуција), Бугарија (Sofia International Film Festival и редовна дистрибуција), Италија (Bari International Film Festival, I-fest International Film Festival Calbaria), САД (Cinequest International Film Festival).
За успешноста на „Кајмак, како и позитивните реакции на публиката, освен заинтересираноста и гледаноста во целиот свет, сведочат и следните позитивни критики од филмските критичари.
