Кина ја потврди посетата на Ким Јонг Ун

0
140

Долго се шпекулираше околу тоа дали севернокорејскиот властодржец Ким Јонг Ун е во посета на Кина. Потврдата сега стигна официјално од кинеската државна агенција Шинхуа.

Ким Јонг Ун во Кина престојувал од неделата до денеска, јави агенцијата Шинхуа. Во Пекинг тој остварил средба со претседателот Ши Џинпинг. Ова е првпат Ким Јонг Ун да ја напушта Северна Кореја по стапувањето на власт во 2011 година. Јужнокорејската агенција Јонхап извести дека Ши ја прифатил поканата на Ким за возвратна посета. Посетата на Ким на Пекинг беше мистериозна, а медиумите претпоставија дека високиот гостин во Кина мора да е лидерот на Северна Кореја поради пристигнувањето на специјалниот зелен воз и големите безбедносни мерки во Пекинг.