Кирацовски: Кривичните пријави на ВМРО-ДПМНЕ се безпредметни

Google+ Pinterest LinkedIn Tumblr +

Кривичните пријави против претседателот на Собранието на Република Македонија, заменикот секретар на Собранието на Република Македонија и до директорот на „Службен весник“ се безпредметни, изјави пратеникот и генерален секретар на СДСМ, Александар Кирацовски.

Ние како политичка партија целосно го поддржуваме потегот на претседателот на Собранието на Република Македонија Талат Џафери, односно потпишувањето на Законот за употреба на јазиците и ратификација на Договорот со Република Грција. Претседателот Ѓорге Иванов согласно член 75 став 3 од Уставот на Република Македонија беше должен да го потпише Законот за употреба на јазиците затоа што два пати минуваше и беше изгласан во Собранието на Република Македонија, и затоа сметам дека кривичните пријави против претседателот на Собранието на Република Македонија се безпредметни, а дали ќе има основа за поднесување кривична пријава против претседателот на државата, искрено да ви кажам нити сме размислувале, нити пак е вредно да се размислува, изјави Кирацовски.

Share.