Клиниката за гинекологија во Скопје собира донации, сметката им е блокирана

0
326

„Сите ние пријатели на бебињата, биди и ти”, е мотото на кампањата на Клиниката за гинекологија во Скопје. Преку телефонски броеви на мобилните оператори секој граѓанин може да донира пари за работата на оваа болница финансирана од буџетот. Од болницата велат дека парите ќе бидат употребени за доопремување. Од понеделникот сметката на Гинеколошко-акушерската клиника е блокирана за 410.000 евра по основ на тужбени барања од семејства кои биле оштетени.

Се работи за случај од 2008 година кога неколку бебиња останале слепи поради ненавремено дијагностицирање на ретинопатија. Тогаш одговорните велеа дека немало протокол за посета на очен лекар на новороденчиња.

Во однос на кампањата за донации и негативните реакции на родители по социјалните мрежи од Клиниката за гинекологија и акушерство соопштија дека клиниката собира донации преку специјални телефонски линии и дека здравјето на пациентите не е загрозено.

mkd.mk