Полека, но сигурно започнува ,,Зимската приказна”. Додека надвор се прелеваа светлата од Новогодишната елка пред Офицерскиот дом, внатре во Свечената сала прекрасен концерт одржа Александра Чуруковска на контрабас во придружба на музичкиот соработник Денис Најдоски и Филип Петровски на хармоника.
„Чувството на секој изведувач кога ќе застане пред публика е секогаш возбудливо, а особено кога настапува пред домашната публика, тогаш е бесценето“, ни изјави Александра.
Таа заедно со Денис и Филип се потрудија на најдобар начин да ја пренесат и доловат безвременската музика на Хенри Еклс, Џовани Ботесини, Сергеј Рахмањинов, Франц Шуберт.
Средствата од концертот беа донирани во здружението за болни од рак “Љубов сме/Jemi dashuri”.
