Во врска со кружниот тек кај некогашната ветеринарна станица во Битола, на својот Фејзбук профил се огласи градоначалникот на Битола.
„Во интерес на јавноста и за информирање на советникот Чулакоски од ПОИНАКУ во врска со пишувањата за кружниот тек кај поранешната ветеринарна станица ситуацијата е следна. Од страна на општинската администрација и надзорот се константирани забелешки при изведбата на завршниот слој не само на оваа локација и на уште една и истите ќе бидат отстранети на сметка на изведувачите. Општина Битола додека јас сум градоначалник како и во минатото и во иднина сите недостатоци кои ќе бидат константирани ќе ги сносат самите изведувачи.За разлика од некои кои не знаат поинаку освен да критикуваат и да зборуваат празни зборови, без желба да превземат било каква одговорност, Општина Битола и јас како градоначалник дејствуваме отчетно, транспарентно и посветено во интерес на граѓаните“ објасни Коњановски за објавата на советникот од Поинаку, околу новиот кружен тек.
