ЕСМ нема да влијае врз покачување на цената на електричната енергија, вели првиот човек на ЕСМ Ковачевски, кој објасни дека кон ЕНВ Хоум понудиле повисока цена, но и пониска цена за Електродистриција. Кон едните 16 проценти повисока цена, а кон другите 23 проценти пониска цена.
„Значи на едната цена ќе имаме 16 прценти зголемување, но 23 проценти намалување на цената кон Електродистрибуција. Двете цени и на ЕВН Хоум и на Електродистрибуција учествуваат во формирањето на цената. Така што кумулативно ЕСМ нема да влијае на покачување на цената на струјата“ вели Ковачевски.
Но, вели Ковачевски треба да се има предвид дека само ЕСМ не учестува со своите цени врз крајното формирање на цената на електричната енергија, тука се и дистрибуција, МЕПСО цени кои што влијаат врз крајната цена.
И вели дека е важно да се напомене дека она што го прават како Влада и како енергетски компании, да се најде начин како да се помогне на малите потрошувачи.
Тие се 65 илајди мали компании, кои што се на регулираниот пазар и кои што вработуваат над 95 проценти од сите вработени во државата.
Сега нивниот фокус е да се помогне на тие мали компании за да ги задржат стабилни и сигурни своите бизниси, а понатаму ќе се бара начин и форма како да се помогне на останатиот бизнис сектор, вели Ковачевски.
