Битолската клиничка болница ќе биде еден од четирите универзитетски клинички центри во Македонија, со што значајно ќе се подобри нивото и квалитетот на здравствените услуги за пациентите, рече на денешната прес конференција Олга Лозановска, кандидатката за пратеничка од ВМРО ДПМНЕ и Коалицијата.
„Без исклучок сите здравствени установи во Македонија ќе добијат нова медицинска опрема, а ќе воведеме и дополнителни здравствени услуги за граѓаните.
Во Клиничката болница предвидени се инфраструктурни интервенции, кадровско доекипирање и поврзување со Високата медицинска школа, новоотворениот Медицински факултет и битолскиот универзитет „Св.Климент Охридски“.
Предвидено е спроведување на мапирање на целата неискористена опрема во сите клиники и јавни здравствени установи, таа опрема максимално ефикасно треба да биде искористена. Неопходна е постојана едукација на медицинскиот кадар и современа медицинска апаратура во сите здравствени установи.
Македонските граѓани ќе добијат и дополнителни здравствени услуги:
– тримесечна терапија за хронични болни,
– отворање тумор банка со регистар,
– модернизирање на службата за помош и поддршка на стари лица / функционална и ефикасна домашна посета,
– листата за ортопедски помагала ќе биде дополнета,
– воведување на нови хируршки методи и здравствени интервенции.
Програмата на ВМРО ДПМНЕ и Коалицијата „Твоја Македонија“ Платформа #1198 нуди вистински, реален и сериозен концепт за обнова на македонскиот разрушен здравствен систем, затоа што луѓето ни се на прво место.
Македонија повторно твоја. Почитувани мои сограѓани, секој од Вас знае, промените се во твои раце“ рече Лозановска.
