Малта ја намали старосната граница за гласање на 16 години

Google+ Pinterest LinkedIn Tumblr +

Парламентот во Малта едногласно ја усвои одлуката за намалување на возраста со која може да се гласа на избори од 18 на 16 години. Сите 64 парламентарци гласаа за промената. Со ова Малта стана втора земја во ЕУ по Австрија која ја намали старосната граница за гласање, така што следната година на европските избори првпат можност за гласање ќе имаат и 16 и 17-годишниците.

„Парламентот едногласно ги прифати амандманите на уставот. Испишавме нова историја“, напиша премиерот Џозеф Мускат на својот твитер-профил.

Двете главни политички партии се согласија да ја намалат возраста за гласање, но оваа иницијатива немаше целосна јавна поддршка. На пример, студентскиот совет се спротивстави на одлуката со образложение дека актуелната образовна рамка не доволно ги подготвува младите луѓе за да може да доднесат обмислен заклучок при гласање.

makfax.com.mk

 

Share.