Нови напади врз сириските бази предизвикале земјотреси

Google+ Pinterest LinkedIn Tumblr +
Од сириската армија објавија дека синоќа повторно биле бомбардирани неколку нејзини воени бази, поточно во околината на Алепо и Хама. Се шпекулира дека експлозиите биле толку силни што предизвикале земјотрес кој бил регистриран во неколку соседни земји.

„Сирија е изложена на нова агресија. Неколку воени бази во провинциите Хама и Алепо беа погодени од непријателски проектили во 22.30 часот по локално време“, соопштил извор од сириската војска за државната телевизија.

Како што е соопштено од страна на „Ројтерс“, опозицискиот активист Басам Џара изјавил дека една од локациите кои биле гранатирани е воената база Бригада 47 во близина на градот Хама, која, како што кажал, е познат центар за регрутирање на шиитски секташки паравоени групи, поддржани и контролирани од страна на Иран, а кој се борат заедно со редовната сириска армија.

Сириската опсерваторија за човекови права извести дека најмалку 26 прорежимски борци, повеќето Иранци, загинале во воздушните напади, најверојатно изведени од израелската армија.

Share.