„Ова не е паркинг“ акција низ Битола

Google+ Pinterest LinkedIn Tumblr +

Утрово низ цела Битола осамнаа жолти балони со порака „Ова не е паркинг“. Балоните се поставени на места каде што се паркирани возила, но на несоодветно место и на јавни површини.

Акцијата „Ова не е паркинг“ е посветена на узурпацијата на јавните површини во Битола. Граѓаните секојдневно се соочуваат со проблеми кои го ограничуваат нивното движење и ја загрозуваат нивната безбедност. Иако Битола не е голем град паркирањето на јавните површини и тротоари зема се поголем замав и на одредени локации низ Битола.

Практично е невозможно безбедно движење на пешаците. Во изминатите неколку години поради трендот на узурпацијата на тротоарите  постарите граѓани, инвалидизираните лица, велосипедистите и децата се почесто се обесхрабрени да се движат на одредени локации низ Битола. Целта на оваа акција е да се изврши притисок врз надлежните односно општина Битола, МВР сериозно да се зафатат со решавањето на овој проблем и да ги вратат колите на улиците и пешаците на тротоарите.

Share.