Од Општина Битола велат дека со забрзана динамика, продолжуваат активностите за изградба на новиот противпожарен дом, еден од капиталните проекти на оваа локална самоуправа и градоначалникот Тони Коњановски.
Целосно е отстранет стариот руиниран објект на негогашниот армиски магацин на просторот на поранешната касарна. Со ова создадени се потребните услови за започнување на комплетно новата градба со површина од 1600 м² .
Објектот ќе биде во согласност со современите стандарди, правила и прописи за непречено функционирање на противпожарната единица која ги покрива општините Битола, Новаци и Могила, а пожарникарите од најстарата противпожарна единица на Балканот, конечно ќе добијат услови за работа, какви што навистина заслужуваат, се вели во сиоопштението на Општина Битола.
фото: Општина Битола
