Постапки за три непочитувања на полицискиот час во Ресен

Google+ Pinterest LinkedIn Tumblr +

Основното јавно обвинителство Ресен поднесе предлози за издавање казнени налози за три лица заради кривично дело – Непостапување според здравствени прописи за време на епидемија од член 206 став 1 од Кривичниот законик.

Првиот обвинет на 24 март, бил затекнат во 22:10 часот како со патничко моторно возило се движел кон излезот на Ресен спрема с. Царев Двор.

Вториот обвинет, инаку жител на Битола, на 25 март во 21:20 часот бил затекнат како го напуштал Ресен со патничко моторно возило, при што бил сопрен од полициските службеници кај контролниот пункт м.в. „Гранит“ Ресен на излезот према Битола.

Третиот обвинет, пак, на 25 март околу 23:00 часот се движел по ул.„29-ти Ноември“ во Ресен поточно пред ОВР Ресен каде бил затекнат од полициски службеници на ОВР Ресен.

Јавните обвинители кои постапуваат во предметите на Основниот суд Ресен му предложија на секој од тројцата обвинети да му биде изречена парична казна во висина од 100 дневни глоби при што вредноста на една дневна глоба да се определи во висина од по 20 евра во денарска противвредност.

Share.