Почина легендарниот пејач Предраг Живковиќ-Тозовац

Пејачот Предраг Живковиќ -Тозовац почина на 85-годишна возраст. Тој беше на лекување од коронавирусот во последните неколку недели, а веста дека починал за „Блиц“ ја потврди неговиот кум.

– За жал, тој не издржа, ковидот целосно го уништи – рече тој за „Блиц“.

Тозовац е роден во Краљево во 1936 година, од неговиот татко Светозар Тоза Живковиќ, по кого го добил прекарот, и неговата мајка Будимка. Во октомври 2012 година тој доби диплома за заслужен граѓанин на градот Краљево.

Многумина го сметаат за најголем господин на српската народна музика, а неговите песни не исчезнаа со годините, па и денес тие се неизбежен репертоар на сите прослави и свечености, како што се „Ти си ме чекала“, „Очи једне жене “,„ Јесен на мом сокаку “,„ Лено, Лено Магдалено“и други …

 

Сподели