Во Битолската библиотека се одржа промоцијата на првото авторско дело на Викторија Брдаровска со наслов ,,Полн погодок”.
Рецензенти на ова дело беа проф. д-р Лазе Јаќимоски и проф. д-р Гордана Тасевска, а лектор Христијан Аџиоски. Авторот и уредник на оваа новела Брдаровска пред присутните истакна: ,,Преполната сала со битолчани е полн погодок за мене!”.
Викторија Брдаровска е родена на 25 јуни 2003 година во Битола, каде што го завршува своето основно и средно образование. Добитник е на над 70 сертификати од повеќе области, претседателка на здружението ,,ВИКТОРИ”, младински активист, студентка на Правен факултет и член на Правна клиника, заменик-претседателка на Локален волонтерски совет при Општина Битола, а од денес и автор. Порано се занимавала со спорт и фолклор.
,,Полн погодок” е моето прво авторско дело кое е пишувано цели четири месеци. Ова е дело во кое се “бакнуваат” храброста и упорноста, а пред сѐ човечноста. Животот е игра со која ние управуваме од џојстикот, ние сме архитектите на своите судбини. Посебна чест и гордост ми беше што говорев пред преполна сала на луѓе кои одвоија дел од своето драгоцено време,
да присуствуваат на промоцијата на ова дело. Животот е најтежок испит во кој многу луѓе препишуваат без да знаат дека секој има различен испит и не оставаат траги, туку газат на туѓите стапки“, додаде Брдаровска.
