Путин, Трамп и Меркел на карневалот во Вевчани

0
894

Претседателот на САД Доналд Трамп и неговата сопруга Меланија, германската канцеларка Ангела Меркел и рускиот претседател Владимир Путин продефилираа денеска низ улиците на Вевчани, на вториот ден од  празнувањето на еден од најпознатите и најпосетените настани во земјава – Вевчанскиот карневал.  Меѓу маските на креативните учесници на карневалот не изостанаа ниту ликовите на домашните политичари, кои и овојпат на шегобиен начин ги исмејаа актуелните општествени и политички случувања во земјава.

На карнвалот доминираа маски за агадувањето, двојазичноста, патните трошоци на пратениците, нападот во Собранието на 27 април, правата на ЛГБТ заедницата, договорот со Бугарија…Карневалското дефиле започна со традиционалните маски, зетот и невестата, музичарите, Глупи Aвгуст и ѓаволите, а можеа да се видат и транспаренти „Македонците не се терористи”, „Каква Влада таков василичар”….

„Маските резонираат и со новите владини политики. Тие се критични и отворени и го шират она за што ние се залагаме како принцип, демократизација на културата, општеството и воопшто создавање нови хоризонти на критичката култура“, изјави министерот за култура, Роберт Алаѓозовски. Според него, Вевчани и карневлот се носители на отпорот и на традицијата, на демократската борба и на критичноста, на слободоумноста и на креативноста.

makfax.com.mk