Рангелова и се „нафрли“ на Мила Царовска

Google+ Pinterest LinkedIn Tumblr +

Немате умеење, немате желба за работа, имате само страст за власт, и порача пратеничката Даниела Рангелова на министерката за труд и социјална политика, Мила Царовска. Поради лошото менаџирање со ова Министерство, Рангелова рече дека Царовска требало до сега да си поднесе оставка.

На денешната расправа во Собранието по повод интерпелацијата на Владата на Зоран Заев, Рангелова го посочи Министерството за труд и социјална политка како едно од најпроблематичните.

-Треба да си одите затоа што дозволивте три дечиња од „25 Мај“ да бидат силувани, а да не понесете лична одговорност. Како мирно ќе спиете кога им го одземавте насмевките на тие дечиња. Гледам се смеете, убаво што се појавивте, но дали се смеат дечињата што беа силувани во „25 мај“. Какви фаци правите, не можете ни во градинка да одите, а не па да бидете министер – рече Рангелова.

Пратеничката посочи дека има разлика меѓу Царовска како опозицинерка и Царовска како министерка.

Лицата под Кале, ги оставивте да гнијат под дупката. Ние уште првиот месец ги сместивме во институција која им обезбедува еден оброк дневно и кров над глава, одговори министерката за труд Мила Царовска на обвинувањата на пратеничката Даниела Рангелова, на собраниската седница за интерпелација на владата.

Таа додаде дека во Визбегово е во изградба привремена населба за сместување на тие семејства и дека прават обиди децата да ги вклучат во образованието. Според Царовска, од власта на ВМРО-ДПМНЕ наследиле руиниран и згмечен систем за социјална заштита.

-Да не зборувам за центрите и институциите кои под ваше раководство и под ваша палка не само што се уништени туку и покрадени. „Ранка Миланова“ престана да постои зашто директор, поставен од вашиот министер, доби судска пресуда за проневера од три милиони евра. Од првиот ден на оваа Влада работиме на стратегија за хуманизација на тие институции – рече Царовска.

Министерката истакна и дека просечната пензија е зголемена од 13.000 денари на почетокот на минатата година, на 14.186 денари во април годинава.

Share.