Американскиот претседател Џо Бајден беше јасен дека САД нема да испратат војници да се борат во Украина, изјави портпаролката на Советот за национална безбедност Адриен Вотсон.
Таа додаде дека Бајден верува дека „патот до победата“ е преку испраќање воена помош од САД за Украина, која во моментов е блокирана од Конгресот.
Францускиот претседател Емануел Макрон претходно изјави дека распоредувањето на западните трупи во земјата нападната од соседна Русија „не треба да се исклучи“ во иднина.
Изјавата на Макрон предизвика низа коментари, при што голем број западни земји практично ја отфрлија неговата идеја.
