Св. Кипријан Слепченски за светител – заштитник, покровител и патрон на градот Демир Хисар

0
1152

Во конференциската сала во СОУ „Крсте Петков Мисирков” се одржа свечениот дел од редовната 11та седница на Совет на Општина Демир Хисар. По претходно донесената иницијатива од страна на академци, професори и магистри – почитувачи и пријатели на манастирот Слепче, едногласно беше донесена Одлуката за прифаќање на предлогот и поддршка на иницијативата за прогласување на Св. Кипријан Слепченски за светител – заштитник, покровител и патрон на градот Демир Хисар.

На седницата присуствуваше Митрополит Преспанско-пелагониски и администратор Австралиски и Новозеландски г. Петар.

Според проф. д-р Сашо Цветковски овој монах и игумен на манастирот Слепче, кој маченички  пострада 1780 год. несомнено е еден од најзнаменитите личности во историјата на манастирот од периодот на доцниот среден век. Во негово време манастирот Слепче го доживува својот последен голем економски и духовен подем како континуитет на претходната традиција од времето на 16 и 17 век.”

Oдлуката на Совет за прогласување на светител – заштитник, иницијативата ја дадоа група од 10 ина академици и универзитетски професори на УКИМ, меѓу кои и сега покојниот академик и прв министер за култура во независна РМ, Цветан Грозданов.

Градоначалникот Стојановски упати благодарност до иницијаторите.

„Нека ни е честит изборот на патронот-заштитник на нашиот град, Св. Кипријан Слепченски. Посакувам да понатаму градот Демир Хисар и целата општина ја прати среќа, да ја прати здравје и благосостојба под покровителство на нашиот од денес Св. Кипријан, Слепченски” – на своето обраќање пред присутните рече градоначалникот на Општина Демир Хисар, Марјанче Стојановски.


На свечената седница освен членовите на Советот, присуствуваа и политички партии, гости, соработници, почитувачи на манастирот Слепче и др.