И во новата година ВМРО-ДПМНЕ продолжува по старо, особено кога станува збор за образованието. Матрицата е иста: се работи неправилно, со невалидни училишни одбори и се одлучува спротивно на законот, во корист на партијата и само на партијата, рече на денешната прес конференција од пред Јавното обвинителство, советничката од СДСМ, Мирјана Захариевска-Ралевска.
„Директорувањето во Основното училиште Коле Канински е само уште едно во низата неуспеси на ВМРО-ДПМНЕ. Директорката на ООУ Коле Канински, Дијана Христовска, носи одлуки за вработување на кадар со невалиден училишен одбор. Мандатот на тројца од наставниците во одборот е истечен, за што реагираше и Државниот просветен инспекторат после извршениот увид. Законот и статутот на училиштето налагаат до крајот на мандатот на претходните членови да бидат избрани нови членови. Но, ДПМНЕ и директорката по сѐ изгледа, мислат дека се над законот.
СДСМ нема да дозволи да се работи незаконски, бидејќи со незаконското работење најмногу страдаат децата. Затоа, советничката група на СДСМ и коалицијата поднесе кривична пријава за директорката на ОУ Коле Каниниски, Дијана Христовска. Кривичната пријава веќе ја доставивме и очекуваме дека јавното обвинителство ќе постапи според законот и нивните надлежности. Бидејќи крајно време е интересите на учениците да се стават над партиските интереси. И крајно време е ВМРО-ДПМНЕ и Коњановски да научат дека никој не е над законот“ рече советничката Захариевска-Ралевска.
