„Со СДСМ македонскиот идентитет е зајакнат и потврден, со СДСМ култура има за секого и секаде, со СДСМ културата останува слободна, заштитена и афирмирана во ЕУ“, рече во денешното свое обраќање потпретседаелката и министерка за култура, Бисера Костадиновска-Стојевска, која е коностил на листата на СДСМ за петтата изборна едница.
„Во следниот мандат со „Програмата за европска иднина” нудиме:
Раст на платите во културата секоја година за 10%; заштита на македонскиот јазик; се обврзуваме, буџетот за културата мора да биде од година во година сè поголем; поголема автономија во насочување на средствата.
Делегиран буџет во културата на национално и на локално ниво, инспекторат за македонски јазик, отворање на нови работни места за лекторите и враќање на интересот кај младите за изучување на македонскиот јазик, ставката за капитални дотации за инвестициони проекти во областа на културата за единиците на локалната самоуправа до 2028 година ќе изнесува 120 милиони денари;
Нов, современ, европски и квалитетен Закон за култура; целосна дигитализација на културата; универзална сала целосно функционална до 2027; презентација на македонската култура достојно во Европа и светот; врвно претставување на Скопје европска престолнина на културата 2028;
Влог во заштитата на културното и духовното наследство, ги враќаме и останатите 37 украдени икони од Албанија; нов Закон за управување со светското природно и културно наследство на Охридскиот Регион; заштита на престижниот статус на Охридскиот Регион во УНЕСКО“ истакна Костадиновска-Стојчевска.
Костадиновска-Стојчевска во своето обраќање кажа дека платите во културата ги покачија за 43 отсто и секоја година ќе ги покачуваат за 10 проценти.
„Во фокус на културните политики на СДСМ е достоинството на културните работници. Ги покачивме платите во културата на достојно ниво, за 43 отсто. Остануваме на зборот дека секоја година платите во културата ќе се покачуваат за 10 проценти“ рече министерката за култура и коносителка на листата во Изборната единица 5, Бисера Костадиновска-Стојчевска на промоцијата на програмата „Програма за европска иднина“ на СДСМ.
Таа додаде дека со девет нови инвестиции се стимулира креативноста и ќе се збогатува културната понуда за секоја етничка заедница.
„Инвестираме во секоја општина и го поттикнуваме регионален културен развој. 90 милиони денари за капитални дотации за инвестициони проекти во областа на културата за единиците на локалната самоуправа“ рече Костадиновска-Стојчевска.
Таа исто така додаде дека Универзална сала ќе биде целосно функционална до 2027 година, но и презеде обврска дека буџетот за култура мора да биде од година во година се поголем.
„Во наредниот мандат преземаме обврска за воведување на делегиран буџет со што институциите од културата на национално, како и на локално ниво. Во изборната програма предвидуваме конкретни чекори за интензивирање на соработката и поддршка на независната културна сцена“ рече Костадиновска-Стојчевска.
Зборуваше и за инвестиција во културата кои значат заштита на културното наследство, идентитетот, историјата.
„Изминатите години вложувавме во нашата културна и јазична посебност. За СДСМ инвестиција во културата значи заштитата на културното наследство, заштита на нашиот идентитет, за нашата посебна историја и колоритноста на нашата култура“ рече министерката за култура.
Таа додаде дека со новиот Закон за употреба на македонскиот јазик се зголеми неговата заштита и заштитата на кирилско писмо, како и неговата правилна употреба.
„После 25 години добиваме инспекторат за македонски јазик, работни места за лекторите и го враќаме интересот кај младите за негово изучување“ рече Костадиновска-Стојчевска.
Таа додаде дека пред нас е реализација на уште еден голем проект – нов, современ, европски и квалитетен Закон за култура.
„Инвестираме во афирмација на македонскиот јазик- Старото училиште во Љубојно прераснува во ‘Центар за промоција на македонскиот јазик’. Работиме и на целосна дигитализација на картотеките во Институтот за македонски јазик, основа за проектот кој го најавуваме-целосна дигитализација на културата“ рече Костадиновска-Стојчевска.
