Викендов на Стадионот на АРМ во Скопје се одржа културно музичкиот фестивал Skopje Calling 2024. На фестивалот настапи светската ѕвезда Грејс Џонс, а втората вечер беше резервирана за Севдализа. Сето ова во организација на Авалон Продукција. Една од највлијателните и најреволуционерни музички ѕвезди и уметнички појави, Грејс Џонс, го донесе своето спектакуларно live show за прв пат во Македонија. Музичката икона ѝ приреди на македонската публика 90-минутно спектакуларно шоу заедно со својата голема музичка придружба .
Таа го започна настапот со култната нумера „Ноќни клубови“, продолжи со песната „Клуч“, дел од нејзиниот следен албум. Потоа ги изведе најголемите хитови во кариерата и приреди уникатно доживување. Дека ништо не и можат нејзините 76 години, покажа вртејќи хулахоп и пеејќи ја „Роб на ритамот“. Грејс беше спуштена до публиката изведувајќи ја „Повлечи се до браникот“,за да ја допре и поздрави од блиску.
Грејс oстана во Скопје цели 3 дена, после што ја продолжува својата летна турнеја во Лондон. Легендарната артистка ги поместува културолошките граници на 21 – от век со својата мулидимензионална уметност и навистина креативна и футуристичка визија. Речиси четири децении ја дефинира музиката, модата и уметноста. „Сакам ве сите Македонијо“, повторуваше таа, не криејќи дека е задоволна што публиката заедно со него во глас и ги пееше безвременските хитови.
На бис ја изведе„La vie en rose“ која ја испеа со публиката во еден глас. VH1 ја стави на списокот од 100 најважни жени на ронекролот, додека „Billboard“ ја смести меѓу 40-те најголеми имиња на клупската култура.
Фотографии: Стефан Рајхл
Видео: Агим Џело
