НУ „Завод и Музеј“ денеска организираше и изложба на тактилкни слики и копии за лица со попреченост во развојот и оштетен вид насловена „Допир“. Ова е мултимедијална изложба, вели Ирена Ружин од Завод и Музеј.
Изложените предмети, музејски експонати се дело на неколку автори – Кире Арсовски, Гораст Николовски, Тони Николовски, и тимот експерти кои ги прилагодува истражуавањата на музејските кустоси од различните реферати за лицата со оштетен вид односно лицата со оштетен слух. Завод и Музеј ова свое знаење го пренесе на музеите во балканските земји.
Денеска прашавме и која е реакцијата на публиката од овој начин на принесување на знаењето за историјата што го поседува Завод и Музеј. Во својата изјава д-р Ружин зборува за задоволството на посетителите.
Денешната изложба имаше дваесеттина избрани предмети од богатите збирки на битолскиот музеј претставен преку тактилни слики, тактилни описи со брајово писмо и зголемен печат, како и копии од предметите од хераклејската базилика и неолитското наоѓалиште.
