Татко ги претепал двегодишното дете и својата сопруга

0
537

Секторот за внатрешни работи Скопје, до Основното јавно обвинителство во Скопје, поднесе кривична пријава против 47 годишно лице од Скопје поради постоење основи на сомнение дека извршил две кривични дела „телесни повреди во вршење семејно насилство“, казниво по член 130 став 2 од Кривичниот законик на Република Македонија.

МВР соопшти дека пријавениот тој на 8 август во семејниот дом, во алкохолизирана состојба, физички ги нападнал неговиот двегодишен син и неговата сопруга  и им нанел телесни повреди.

Додека неговата сопруга била на работа, тој физички го нападнал двегодишното дете, по што тоа се онесвестило. Околу 18.30 часот мајката дошла од работа и ги затекнала своите четири малолетни деца заклучени во соба. Во моментот кога нејзиниот најстар син (9 години) ја отворил вратата, пријавениот физички ја нападнал сопругата. Таа успеала да избега во собата кај децата, кои и кажале дека татко им ги тепал сите, а најмногу најмалиот брат. По кратко време, мајката со такси возило го однела двегодишниот син во Ургентен центар при комплексот клиники „Мајка Тереза“ каде му биле констатирани телесни повреди и бил задржан на лекување.

Во разговор со полициските службеници мајката изјавила дека ова не е прв случај на семејно насилство од страна на нејзиниот сопруг. Тој и порано ги малтретирал. Со помош на Центарот за социјални работи на град Скопје останатите три деца биле згрижени во шелтер центар.

На 09.08.2018 година во 01.05 часот пријавениот  бил лишен од слобода и задржан во полициска станица.