Турција поседува снимки од убиството на Кашоги?

Google+ Pinterest LinkedIn Tumblr +

Весникот „Вашингтон пост“ пишува дека Турција поседува снимки од убиството и касапењето на телото на новинарот Кашоги во саудискиот конзулат во Истанбул.

„Вашингтон пост“, за кој пишуваше и самиот Џамал Кашоги, тврди дека постојат наводно тонски и видео-снимки кои докажуваат дека исчезнатиот новинар пред една и пол недела бил убиен во саудискиот конзулат. Американскиот весник се повикува на информации од турски и американски официјални извори. Турција, наводно се двоуми околу објавувањето на снимките за да не открие на каков начин се шпионирани странските дипломатски и други претставништва во земјата. Нејасно е и дали американската страна имала пристап до доказниот материјал. Но, турската влада ги уверила претставниците на американската влада дека поседува компромитирачки снимки, кои не оставаат никаков сомнеж во тезата за убиство на новинарот, тие покажуваат како саудиски безбедносни службеници го фаќаат Кашоги, го убиваат и го касапат неговото тело.

dw.com/mk

Share.