Укината забраната за тешки товарни возила на Ѓавато

0
316

Забраната за сообраќај за тешки товарни возила на патниот правец крак Маврово – Дебар се укинува во 08:30 часот.Забраната за сообраќај за тешки товарни возила на патниот правец Битола – Ресен преку планинскиот превој Ѓавато се укинува во 11:10 часот.

Сообраќајот на државните патишта се одвива по влажни коловози. На повисоките места има остатоци од кашeст снег.Снег со слаб интензитет провејува во Дебар, Маврово, Стража, Пресека и Струга кој во моментов не се задржува на коловозот.

Законската обврска за задолжително поседување на зимската опрема во возилата, без оглед на временската состојба, трае до 15-ти март 2018 година.

Интензитетот на сообраќајот на патните правци надвор од градските средини е умерен. На граничните премини нема подолги задржувања за влез и за излез од државата. Оваа информација се однесува само за македонската страна на премините.

АМСМ препорачува внимателно возење, прилагодена брзина на движење и почитување на поставената сообраќајна сигнализација. Во клисурите и засеците можна е појава на одрони, особено на патните правци: Кочани – Македонска Каменица – Делчево, Виница – Берово, Гостивар – Стража, Маврово – Дебар – Струга, Демир Капија – Удово, Катланово – Велес, Крушево – Демир Хисар и Ресен – Буково.