Центарот за управување со кризи информира дека РЦУК Битола известил за пожар над с.Острец на Баба Планина, каде што гори папрат и шума, а биле известени во ЈП „Национани чуми“, подружница „Баба“.
Пожарот бил активен во текот на вчерашниот ден над с.Велушина и бил локализиран во вечерните часови, но денеска е повторно активиран. Интервенирале четири лица од ЈП „Национални шуми“ подружница Кајмакчалан од Битола и четири пожарникари со две ПП возила од ТППЕ Битола коишто после 15.00 часот се повлекле затоа што теренот е непристапен.
Со пожарот, како што известија екипите од терен, не се загрозени населени места. Инаку, од ЦУК за настанот се известени: НП „Пелистер“, ЕЛС Битола, ДЗС, а и СВР во Битола, стои во информацијата од Центарот за управување со кризи.
фото: илустрација
