Чистење на каналската мрежа во околината на Логоварди

Google+ Pinterest LinkedIn Tumblr +

Деновиве, како што информираат од Општина Битола масовно се чистела каналската мрежа во Пелагонискиот дел на Општина Битола, во околината на селото Логоварди, со средства од општината во висина од 205.000 денари.

Градоначалничката на Општина Битола м-р Наташа Петровска, го посети селото и изврши увид во масовното чистење на каналите на терен. Петровска посочи дека руралниот дел од Пелагонија постојано ја има поддршката од Општина Битола. Чистењето на одводните канали и натаму континуирано се реализира, а на терен зафатот е во должина од 2,5 километри.

Жителите на селото Логоварди истакнаа дека во изминатите две години, постојаното чистење на каналската мрежа за нив е од големо значење, затоа што е намалено поплавувањето на нивите, засадени со земјоделски производи.

Тие исто така, ја запознаа градоначалничката со активностите кои веќе се реализирани во селото, како што е поставувањето на ново улично осветлување во одредени делови, а истовремено побараа помош за обнова на месната заедница и тампонирање на улиците.

Share.