Наредена итна евакуација поради историски поплави

Google+ Pinterest LinkedIn Tumblr +

Градот Џексонвил на северозападот од американската сојузна држава Флорида издаде наредба за итна евакуација бидејќи се очекува нивото на поплави поради ураганот Ирма дополнително да порасне поради доаѓањето на плимата.

„Доколку сте во евакуирана зона А или Б долж реката мора да го следите ова предупредување и да заминете веднаш“, соопштила вчера канцеларијата на шерифот во Џексонвил говорејќи за краевите долж реката Свети Џонс, која го дели градот.

Во соопштението се нагласува дека веќе е забележано историско ниво на поплави и се предупредува дека тоа ќе продолжи да расте.

„Очекувајте 1,2 до 1,8 метри над нормалното плимско ниво“, се наведува во соопштението.

Жителите кои имаат потреба од помош да ги напуштат домовите се повикуваат да закачат бело знаме, маица или некој друг бел објект пред своите куќи како би го привлекле вниманието на спасувачките тимови.

Share.