Откажан концертот на „PLACEBO“ во Скопје

Google+ Pinterest LinkedIn Tumblr +

Концертот на PLACEBO кој беше закажан за 25 јуни на АРМ Стадионот во Скопје е откажан, информираат од Авалон продукција и додаваат дека ниту еден концерт на PLACEBO во рамки на нивната турнеја за 2020-та година нема да се случи.

Како и со сите турнеи, така и овде се работи на датуми и на нова турнеја за идната, 2021 година, па повеќе за тоа ќе се знае во средината на месец септември, истакнуваат од Авалон.

А за сите оние коишто не можат и не сакаат да чекаат, од Авалон велат дека ќе можат своите пари да си ги добијат назад од идната среда, 27-ми мај, од 09 часот наутро. Рефундацијата ќе се врши на начин и на местото од каде што се купени билетите.

Во оваа прилика Авалон Продукција им се заблагодарува на сите ticket keeper-и, не само за концертот на PLACEBO, туку и за сите други концерти коишто ги имаме закажано, а ги имаме прераспоредено со нови датуми, затоа што со овој ваш гест и` помагате на музичката лајв индустрија, која во моментиов не постои, што побрзо да се врати во живот.

Share.