Со вакцина против мали сипаници се спасуваат 1,3 милиони животи годишно

0
344

Во 2016 година во светот од мали сипаници починале околу 90.000 луѓе што е за 84 отсто помалку од 550.000 смртни случаи во 2000 година, соопшти Светската здравствена организација (СЗО).

Ова е првпат бројот на смртни случаи предизвикани од мали сипаници да падне под 100.000 годишно.

– Спасувањето во просек 1,3 милиони животи годишно со вакцина против мали сипаници е неверојатен успех и поради тоа изгледа дека свет без мали сипаници е можен, па дури и веројатен, за време на нашите животи, изјави доктор Роберт Линкинс од Иницијативата за борба против мали сипаници и рубеола и директор на Одделот за контрола на брзо ширење болести и болести кои можат да се спречат со вакцина, во Центрите за контрола и превенција на болести.

Од 2000 година, децата примиле околу 5,5 милијарди дози вакцини против мали сипаници, во рамките на рутинска имунизација и кампањата за масовна имунизација со што се спасени околу 20,4 милиони животи.