Србија ги повикува своите граѓани да се вратат од земјите во регионот до петок

Google+ Pinterest LinkedIn Tumblr +

Српскиот Кризен штаб за борба против коронавирусот ги повика сите државјани на Србија кои престојуваат во Црна Гора, Хрватска и Босна И Херцеговина да се вратат во земјата до петок во 18 часот, затоа што од тогаш ќе стапат на сила нови мерки и активности за лицата кои ќе влезат во земјата.

„Апелираме на сите граѓани до крајот на оваа недела да се вратат затоа што после тоа ќе имаме поинаков режим за сите кои ќе влезат во земјата“, изјави заменик директорката на Институтот за јавно здравје, Дарија Кисиќ Тепавчевиќ.

Појасни дека од тогаш ќе биде воведен 10 дневен надзор за сите патници кои ќе влезат во Србија од Црна Гора,  Хрватска и Босна и Херцеговина.

Кисиќ Тепавчевиќ кажа дека во следните денови на јавноста ќе ѝ бидат презентирани и презицирани дополнителни мерки.

На денешниот состанок на Кризниот штаб се очекуваше да биде одлучено дали српските државјани кои се враќаат од летување од Црна Гора, Хрватска и Босна и Херцеговина ќе мора да поминат 10 дена во самоизолација.

Share.