Стотици уапсени на новиот масовен протест во Минск

Google+ Pinterest LinkedIn Tumblr +

Повеќе од 400 лица беа уапсени за време на новите масовни протести против шефот на белоруската држава Александар Лукашенко. И покрај забраната, десетици илјади повторно беа на улиците.

Над 100.000 демонстранти маршираа во неделата на улиците во Минск, барајќи од претседателот на Белорусија Александар Лукашенко да поднесе оставка, со што протестите влегоа во шестата недела. Според податоците на Министерството за внатрешни работи, над 400 лица се задржани во притвор.

Министерството наведува дека протестите се одржани во 16 града, вклучувајќи го и Брест каде полицијата употреби водени топови против неколку илјади демонстранти. Голем број демонстранти, кои според проценката на групата за човекови права „Вјасна“, биле преку 150.000, носеле транспаренти критички настроени против Русија, а агенцијата Асошиејтед прес оценува дека тоа покажува загриженост поради денешниот состанок на Лукашенко со рускиот претседател Владимир Путин.

Тоа ќе биде нивна прва средба во четири очи по избивањето на немирите во Белорусија по претседателските избори на 9 август кои, според тврдењата на демонстрантите и опозицијата, биле наместени.

dw.com/mk

Share.