Србија донесе одлуката за извоз на два милиони литри масло во Македонија, сооопшти министерот за земјоделство Љупчо Николовски.
Тој информира дека таа количина ќе биде доволна за еден месец и дека е можна и одлука за дополнителен увоз. Во земјава има храна, брашно и на масло и нема потреба од паника и складирање резерви во домаќинствата, порача министерот.
Фактот што се набавуваат два или три пати повеќе масло, според Николовски, говори дека домаќинствата непотребно прават залихи.
„Граѓаните да не паничат, но и информациите да се пренесуваат јасно, транспарентно и вистинито. Фактот што се набавуваат два или три пати повеќе зејтин, говори дека домаќинствата непотребно складираат“, рече Николовски.
