Бутел Скопје – Еурофарм Пелистер 17-26 (8-12)
По репрезентативната пауза Еурофарм Пелистер продолжи онаму каде што застана. Екипата на Жељко Бабиќ го совлада Бутел Скопје на гостински терен со 17-26 и остана со максимален учинок на врвот на табела. Почетните десетина минути беа израмнети, а при 7-8 битолчани постигна четири гола и примија само еден, па на одмор заминаа со осетливо +4.
Вториот дел мина во знакот на одличната гостинска одбрана и лесните голови од контранапади на Божиќ Павлетиќ. За разлика од претхониот дуел на теренот на Бутел Скопје, каде се мачеа да слават, пелистерци сега покажаа конзистентност и славеа со високи девет разлика. Победата уште повеќе добива на вредност, бидејќи Бабиќ не можеше да смета на Табоада, Костески и Велковски.
Во следното шесто коло, наредниот вторник попладне, Еурофарм Пелистер гостува во Кавадарци против Тиквеш.
