Крушево доби нов пумпен агрегат кој што е важен за стабилно водоснабдување и континуиран пристап до чиста вода.
Донацијата на новиот пумпен агрегат овозможува стабилно функционирање на водоснабдителниот систем и континуиран пристап до чиста вода, што директно го подобрува секојдневниот живот и квалитетот на живеење во нашата заедница, вели градоначалникот на Крушево, Нико Чонески.
„Со особена благодарност сакам да ја истакнам значајната донација од компанијата ОКТА, која за Општина Крушево претставува конкретна и исклучително важна поддршка во обезбедувањето сигурно и непречено водоснабдување за нашите граѓани. На средбата со главниот извршен директор на ОКТА, г. Димитриос Пасхос, беше потврдена долгогодишната посветеност на компанијата да биде одговорен, сигурен и активен партнер на Општина Крушево. Ваквите примери на општествена одговорност се од огромно значење за локалниот развој и претставуваат вистински модел за соработка меѓу приватниот сектор и локалната самоуправа.
Во мое лично име и во име на граѓаните на Крушево, изразувам искрена благодарност до ОКТА за поддршката, довербата и вложувањето во доброто на нашата заедница. Заедно градиме посилно, поодржливо и подобро Крушево.“-вели крушевскиот градоначалник.
