Во Могила се одржа обука за користење на вештачката интелигенција во наставата, на која присуствуваа сите наставници вработени во основните училишта во Општина Могила – квалитетни кадри кои со својата работа оставаат трага во иднината на нашите деца.
„Благодарност до обучувачите од Клубот на наставници ЛЕАД – Скопје, кои нудат уникатна програма што ги обединува наставниците во заедница за учење, поддршка и развој, овозможувајќи размена на идеи и значаен придонес кон подобрување на квалитетот на образованието. Ги поздравив присутните и им посакав пријатна работна атмосфера, истакнувајќи дека Општина Могила секогаш ќе ги поддржува ваквите иницијативи за стручно усовршување. Инвестицијата во знаењето е инвестиција во иднината.“- вели градоначалникот на општина Могила, Драганчо Саботковски, кој додава дека образованието на иднината почнува од наставникот.
