Протестот на родителите на деца со аутистичен спектар од Битола најавен како протестна прошетка по Широк сокак денеска не се одржа. Уредно беше најавен и уредно одјавен. Само преголема дилема кај родителите.
Ирена Николовска Ристановска за Тера објасни дека во текот на неделата родителите на деца посебни потреби одлучиле дека би било добро да се направи мирен протест, сите во своите градови , а се организирале преку Фејсбук. Групата броела 87 родители, но со текот на неделата, поголемиот број се повлекле, едни биле исплашени, други не ги знаеле своите права, трети протестот го ставале во политички контекст. „Така разбирам дека нашата колективна свест е на едно многу ниско ниво . Не се свесни дека не постои ништо поважно на светот од благосостојбата на нашите деца“.
Протестот имаше намера да даде јавност на проблемот со кој се соочуваат сеејствата – неисплатени средствата од Додадокот за попреченост, што ги добиваат семејствата на деца со одредена попреченост во развојот кои во последните 7 години се исплатувале до 5ти во месецот. Доцни и туѓата нега, додатокот за мобилност, додатокот за трето дете и тан. Досега надлежното министерство нема конкретен одговор зошто тоа се случува. Средствата им се потребни на семејствата, особено затоа што често заради благосотојбата на детето, еден од родителите останува дома. Нашата соговорничка е дел од семејство коешто има дете со аутистичен спектар на потреби.
„Сметам дека одговорните треба да знаат дека ние кои имаме вакви дечиња во домот кои се наши деца, браќа, сестри и на некој начин тој додаток нам ни значи бескрајно многу иако можеби во нивни очи не изгледа така. Еден од нас често не оди на работа. Во ток контекст би требало да се запрашаат како овие семејства преживуваат , затоа што една плата е многу малку за да ги покрие сите трошоци кои ги имаат овие лица ; самиот збор „посебни потреби“ кажува дека овие лица и деца имаат безброј потреби. Еве конкретно за аутизмот, кадешто се чувствувам покомпетентна – дополнителни патувања до Скопје, тоа сето е на наш трошок , посета на психијатри, дополнително кај нас имаме проблем со бубрег..исто така здравствениот момент дополнително ни ја отежбува ситуациајта и прави да биде покомплексна . никој не се запраша дали сме во можност да ја земеме и дополнтиелната суплементарна терапија којашто ја примаат овие деца . Конкретно во моетио семејство, 12 илјади денари ни се потребни да ги покриеме неговите суплементарни терапии од кои државата ни дава 7.800 денари и во случајов истите ги пролонгираат. Семејствата на лица и деца со попреченост се борат за да се покачи овој додаток кој е премал за нашите преголеми потреби и ние ни на крај памет не можевме да веруваме дека истите ќе бидат и пролонгирани. Мене искрено не ме интересира за што е ова доцнење. Ако истото беше најавено навреме и претходно ние ќе имавме трпение од ден-два, меѓутоа ова не само што ја повредува нашата личност туку не потсетува дека нашите деца се невидливи.“
Родителите на деца со аутистичен спектар, иако денеска не излегоа на протест, размислуваат за човековите права на нивните деца и сопствените треба да ја потсетат државата преку Судот за човекови права во Стразбур.
